董敏莉3歲囡囡浴室跣親 後腦著地兼嘔吐嚇親媽媽

董敏莉（Monie）和律師老公莊耀金婚後育有3歲半女兒莊子子，昨日（14日）Monie在社交網透露囡囡日前在酒店浴室不慎跌倒，令她和老公嚇親飽。Monie寫著：「小朋友成個撻低（後腦著地，四腳朝天😨），大喊咗一陣敷咗冰、檢查咗身體，晚上觀察下佢有咩異樣。第二日都好精靈活潑，不過穩陣起見都係諗住睇吓醫生，點知開長途車返屋企中段，子子話個肚唔舒服，係咁攪條安全帶話好緊，隔咗一陣，佢突然間嘔，係嘔晒中午食嘅嘢出嚟，都幾多吓，而我只能用手幫佢接住🤮，佢勁驚又勁喊，我地梗係更加擔心😭，即刻改道搵最近嘅醫院急診睇下。」

小朋友撞親後嘔吐可大可小，但疫情關係，急症室只准一人陪診，Monie透露囡囡爸爸只能在外等候，幸經醫生診症後，見子子行得走得好活潑，應不是外傷引起。之後再轉到兒科醫生進一步檢查，並觀察多48小時後，已無大礙，令她和老公都放心晒。不少網民都表示關心，留言：「心痛死，子子媽媽的你也辛苦了。」

 

董敏莉見囡囡嘔吐，即帶佢去睇急症。

 

為安全計，子子都留院觀察48小時。

 

見丁丁行得走得，做媽咪都放心晒。

 

董敏莉同律師老公莊耀金婚後，育有3歲半女兒子子。

 

急症室只准一人陪診，子子爸爸只能在外面等候。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ