吳宗憲細仔吸大麻被捕摺埋2個月 冇嘢撈悶到開直播
2022-02-10 23:00 
台灣綜藝天王吳宗憲細仔鹿希派（本名：吳睿軒）去年12月底在街頭吸食大麻煙，被警員上前截查後被捕。這次是他繼在網上揚言要炸台北市政府接受警方調查後又再闖禍，令爸爸吳宗憲嬲爆。鹿希派原定去年12月29日的新專輯發佈會，亦改為道歉記者會，鹿希派再三強調不知自己吸的是大麻。而原本話唔會出席的吳宗憲在記者會上上映一場嚴父教子的戲碼，最後又與兒子抱頭和好，被網民嘲笑。
摺埋2個月，鹿希派仲過緊冷河，在家無所事事。昨日（9日）悶到要在IG直播，透露因為吸大麻一事，現時所有與新專輯相關的宣傳活動都要暫停。冇嘢撈反省中的日子，昨日（9日）就在IG直播與好友聊天，順便宣傳自己張新專輯。仲坦言因為太無聊，所以搞個叫「派派虎年蝦訪」的直播專訪系列，訪問自己喜歡的藝人，睇嚟想學爸爸做主持呀！
立即下載 | 全新《星島頭條》APP : https://bit.ly/3yLrgYZ
最新回應