On仔媽媽手肘斷骨完成手術感謝醫護開始漫長術後治療

2022-02-10 02:30

C AllStar嘅陳健安(On仔)的媽媽，過年喺輕鐵月台等車被小朋友撞低，小朋友嘅媽媽仲不顧而去，好彩有路人照顧安媽仲幫手Call白車。最後安媽去到醫院，「手肘斷骨，手腳擦損，等做手術。」

過年前，On仔出Po表達擔心及不滿。

日前，同C AllStar合作已有12年的經理人小吉和監製阿簡移民，On仔、釗峰及Jase有去送機。

因為疫情無得探病，On仔好擔心，年初七，安媽媽順利完成手術，「呼，先過一關，進入下一關，漫長術後治療。」On仔出Po多謝護士及醫生，亦多謝大家集氣，雖然自己鬆一口氣，但無忘記在病房中嘅病人，「祝福仍然喺病房中打仗嘅人大步檻過，可以盡快同家人見面。」他更強調，「緊記適當時選擇分享，接受關心，互相拉一拉，好行啲。」心地真好呀On仔，祝On媽早日康復。