Juicy叮｜打工仔暫離崗位數小時做檢測 暖心上司：最緊要人無事

第五波疫情下，不少市民須接受強制檢測，多區檢測站大排長龍。一名打工仔於社交網站發文指，其居住大廈被納入強制檢測，遂向上司表示或要暫時離開工作崗位數小時接受檢測，沒料竟得到對方窩心的回覆，令他十分感動。

該名打工仔於facebook專頁「奴工處」表示，居住的大廈被納入強制檢測名單，故提早向上司報告，或要接受檢測需離開崗位數小時，完成後將會跟進工作。上司聞言後，竟稱工作並非最重要，「檢幾耐唔係問題，做嘢事小，最緊要個人無事！Stay Healthy！」，令樓主十分感動，直言「覺得呢個真係好上司」。

網民紛紛留言，羨慕樓主有一位好上司，「真係好好，同我間公司完全相反」；有網民質疑上司只是出於自保，「你上司同你日見夜見，你瀨嘢=佢瀨」、「你瀨咗嘢，就到佢去強檢了」。有網民則分享經驗指，「上月我要強檢，朝早都要做嘢，預約下午到做嘢附近有得檢測，我話做完檢測先返公司，老闆驚我傳染佢同同事，叫我檢測完唔好返公司」。

資料來源：奴工處

立即下載 | 全新《星島頭條》APP : https://bit.ly/3yLrgYZ