黃翠如新相騷纖腰為大肚傳聞闢謠 跟蕭正楠一件衫兩份着晒恩愛

蕭正楠和黃翠如於2018年結婚，早前有傳女方因情緒不穩要放假休息，她北上匯合在內地工作的老公，直至日前兩夫婦由內地回港後，翠如不時以鬆身衫示人；影相時又以袋遮肚，因此傳出他們疑造人成功。

 

不過昨晚（1日）翠如在IG貼出跟蕭正楠的趣怪合照，兩人更一件老虎公仔衫兩份着，其中翠如在相中大騷纖腰，似乎除了晒恩愛之外，也順道為懷孕一子的傳言闢謠。相反蕭正楠穿上該件衫時卻現出大肚腩，看來在內地狂擦美食增磅不少，而他亦有在IG限時動態貼短片，片中他正穿上該衫，黃翠如問他是否合身時，他笑說：「可以大啲囉！依家有啲細，不過我諗都係送畀我嘅！」

 

兩公婆扮鬼扮馬影相。

 

蕭正楠在內地工作完後可以回港跟老婆過年。

 

翠如似乎刻意晒腰，證明自己冇大肚。

 

蕭正楠穿上同一件衫卻凸晒腩。

 

早前翠如（右）回港貼出跟唐詩詠的相片，穿上鬆身衫的確甚有孕味。

 

影相時又似用袋遮肚，難怪有傳聞出現。

 

立即下載 | 全新《星島頭條》APP : https://bit.ly/3yLrgYZ