Juicy叮｜老闆借醉提議願意包養 OL呻：我嘅訴求係返工

不少打工仔都希望在職場上得到上司的青睞，惟老闆提出過分要求時應如何解決？一名女網民於討論區發文指，老闆不時要求與她單獨開會，下班時亦會傳訊息關心，女網民以為得到老闆賞識，沒料對方竟在同事聚餐時，竟借醉稱欲包養該名女網民，令她大感尷尬。

該女網民於「Dcard」討論區發文指，於公關公司任職約1年，員工與老闆的關係一向不俗，惟最近數月，老闆常常相約樓主單獨開會，「但個會其實係多餘，完全係無嘢搵嘢嚟開」，即使下班後仍會傳訊息與她聊天，對她關懷備至。樓主誤以為得到老闆的賞識，「我原本以為呢鋪掂喇，要上位喇」。

樓主透露，老闆不時相約她外出用餐，曾趁機詢問「點解生到咁靚女仲要做嘢？搵個有錢人包咪得」。直至一天，老闆邀請一眾同事到其家中作客，席間老闆疑借醉於眾人面前對樓主說，「你禮拜一唔好返工喇，以後我畀錢你使」。樓主聞言甚感尷尬，一眾同事亦面面相覷，她為打圓場便「笑笑口」稱「老細你飲多咗喇」，事後不斷與同事解釋，「叫佢哋唔好誤會」。

樓主續指，原本以為只是一場誤會，沒料老闆翌日竟再次傳來訊息，稱自己當晚所言屬實，意指願意包養她的生活，「噚晚我是認真的，你下半世不用咁辛苦喇」。樓主聞言再次陷入崩潰，「我嘅訴求係返工咋，俾我做返個普通人啦！」、「我諗住可以升職加人工咋，我唔係想做二奶呀」！

帖文引起網民熱論，有網民籲樓主若無意接受，應盡快辭職，「喺佢用職權騷擾你之前快啲走，如果你想畀佢包就當我冇講過」、「快啲搵工轉啦，我怕你老闆遲啲濫用職權性騷擾你啊，仲有公司總會有三姑六婆作故仔，閒言閒語都好傷人㗎」、「quit得，就算你避到老闆，啲同事對你一定有偏見」；亦有網民分享指，「社會上好多呢啲case，之前識一個朋友都係咁，做咗幾個月就畀個老闆包起咗」。

資料來源：Dcard

立即下載 | 全新《星島頭條》APP : https://bit.ly/3yLrgYZ