Juicy叮｜「公主病」男客堅持穿鞋入影樓 命令店員幫黏鞋膠貼

從事服務業或零售業，最怕遇到麻煩客！有網民指，日前在影樓遇到一名麻煩客人，由於場地列明不能穿鞋入內，如必須穿鞋就要黏鞋貼，惟對方竟自稱「公主」，要求店員為他貼上，還致電影樓老闆投訴「啲粗重嘢我係唔會做」，令人目瞪口呆。

該名女網民在社交媒體Facebook發文，指前日（20日）下午到一間影樓拍攝時遇到另一名男客人進店，當店員要求他脫鞋時，對方表示拍攝時需要這對鞋，店員則著他黏上鞋膠墊貼。不過對方此時竟大爆一句「咁你黐啦，呢啲粗重嘢我唔會做，我公主嚟㗎」，並立即遺下鞋子，店員只好默默為他黏上。

拍攝期間，女網民聽到有罵人聲，原來是該名男客人去完洗手間後，不滿回來時又要重新黏鞋膠貼。她忍不住出聲指：「其實黐鞋膠，係要自己黐返，係好正常嘅事，人哋已經幫你黐咗一次」，但對方竟指「我係咁潑婦罵街㗎喇，點解要我做啲粗重嘢？」

該名男客人其後直接致電影樓的老闆投訴，指「唔識黐鞋膠，然後叫我去學？即係我而家畀錢租影樓，仲要學多樣嘢？」，又強調「呢啲粗重嘢我係唔會做」。事件攘釀過後，最終他付錢讓職員再幫忙貼鞋膠貼。

他其後又在Facebook發文，稱出社會工作已13年之久，表示「好知人要企喺咩定位係好重要」，更直言服務業就是要受氣，形容「客人先係真正米飯班主」；又憶述自己因表達不懂黏鞋貼，而遭店員黑面責怪「唔識咪學囉」，令他大感不滿。

帖文引起網上熱議及轉發，不少網民都批評該名男客人有「公主病」，「男人老狗咁公主病」、「係公主唔該就請個侍從跟住」、「公主應該接受平民嘅進諫同批評」。影樓其後在Facebook專頁回應事件，指老闆誤以為黐鞋貼方法簡單，從而疏忽沒有給予清晰指引，導致事情發生，並附上鞋貼詳細教學，方便客人使用。

資料來源：Facebook

立即下載 | 全新《星島頭條》APP : https://bit.ly/3yLrgYZ