彭秀慧新作疑再與鏡仔合作 晒AL坐過嘅櫈變景點

由彭秀慧執導，毛舜筠、姜濤、柳應廷（Jer）主演的英皇電影《阿媽有咗第二個》日前連補戲都拍埋，正式宣告煞科。而近日另一位MIRROR成員盧瀚霆（Anson Lo）繼《假冒女團》後，再宣佈接拍新電影，不過他沒有透露合作對象與題材等細節，只係話為新作要轉新髮型。而他自爆拍新電影的IG Post就引來彭秀慧導演留言嗌加油，神徒都估今次教主可能係拍彭導新作呀！

彭秀慧執導的《阿媽有咗第二個》日前已經煞科。

 

AL日前自爆拍新電影。

 

彭導都留言為AL加油。

 

AL已為新作剪咗個新髮型。

 

而昨日（26日）彭秀慧就喺IG限時動態分享Anson Lo坐過嘅櫈，仲tag Anson Lo話：「你坐過嘅地方變咗景點。」未知呢張櫈所在的地點是否在片場呢？其實Anson Lo同彭秀慧並非大纜扯唔埋，彭秀慧除了之前睇過MIRROR演唱會，亦係唔少鏡仔的戲劇班導師。Anson Lo演《大叔的愛》演技獲讚，他接受訪問時透露開拍《大叔》前上咗10堂彭秀慧的戲劇班，他也很感謝指導。所以如果他現正拍攝彭導新作，師徒組合拍住上，都幾有睇頭噃！

 

彭導晒呢個「景點」，唔知係咪喺片場呢？

 

彭導同毛姐之前有去睇MIRROR開騷，仲同AL合照添！

 

AL在《大叔的愛》開拍前上過彭導的戲劇班。

 

圈中好多新演員都有搵彭導學演戲。

 

立即下載 | 全新《星島頭條》APP : https://bit.ly/3yLrgYZ