黎明將經典歌詞變金句 跟張敬軒合作拍廣告

黎明 （Leon）和張敬軒去年尾首次合唱，之後軒仔在紅館舉行20周年演唱會，又在元旦日請來Leon做嘉賓，而近日兩人又再度合作，不過不是唱歌拍戲，而是一同拍廣告搵銀。軒仔今日在IG貼出廣告片，甫開始是他向Leon拜年，而Leon正在熟練地剝瓜子，相當有新年氣氛。接着兩人一同介紹可用來付利是錢的銀行手機程式，方便因疫情而未能到親友家拜年時使用，而Leon還用金曲歌詞說：「係呀，無論剎那在何方，利是梗要派。」

 

軒仔帶桔仔向Leon拜年。

 

Leon氣定神閒咁食瓜子。

 

而軒仔搞鬼留言：「喺度同大家拜個早年，恭喜發財，利是逗來，斗零唔愛，一蚊袋落袋，係丫，又係曝露年齡系列丫嘛。牙（阿）明派利是，冇錢都咁愛，我like#全日愛#全日愛全日愛離合每天接力賽。」

 

Leon教軒仔用銀行付款手機程式派利是。

 

兩人大頭近鏡，軒仔表情多多。

 

Leon和軒仔繼上次合唱後，今次再合作拍廣告。

 

立即下載 | 全新《星島頭條》APP : https://bit.ly/3yLrgYZ