COLLAR出道不足半個月獲邀做代言人 Win Win拒入團Marf稱冇影響

2022-01-24 17:30

全新女子組合COLLAR成軍12天便成為某日本品牌飲品香港代言人，今日8位成員到尖沙咀出席發佈會進行簽約儀式，還即場演唱新歌《Call My Name!》。COLLAR今次是此飲品首次請來香港歌手做代言，打破他們一貫傳統，而COLLAR出道不出半個月便成為廣告代言人，8位成員異口同聲表示非常興奮、驚喜及榮幸，笑言因太興奮忘記問公司這次代言酬勞銀碼。公司是否已為COLLAR接下不少廣告工作？隊長Gao表示不清楚，目前只專心為音樂會排練。疫情會否導致音樂會延期？Gao表示未知道，但亦有少許擔心，而Ivy則說：「冇話驚唔驚，安全最重要。」Marf也說：「照原定去做充足準備，而家我哋係如常集中焦點喺當日嘅表演上。」

今日8位成員穿上統一服飾出現，充滿朝氣。

在台上擺出不同甫士影相。

各位前夫有冇大力支持？

COLLAR即場唱新歌，炒熱氣氛。

經理人阿Wing早前受訪透露參賽者Win Win拒絕加入COLLAR，問到知不知道那位成員取代了Win Win的位置？Gao稱：「冇話邊個取代邊個，本身已經存在。至於係咪本身有多一個成員，呢個我哋都唔知，只希望佢（Win Win）開心，日後有機會一起合作。」Win Win不加入會否對她們造成影響？Marf表示不會，成立那一刻便是8位成員，大家向同一方向努力。

此外，早前網民舉行了網上COLLAR成員素顏投選，結果由Day取得最多票數成為冠軍。Day指粉絲也有截圖給她看：「我覺得大家素顏都好靚，已經睇慣，我哋對排名都完全唔介意。」有指Day是尼泊爾混血兒，她直認不諱，只是比賽時沒有刻意提及。