張達倫被認錯「炮彈飛車」司機 Po側面相報平安

昨日（22日）大埔發生交通意外，一輛跑車因「跣胎」失控，高速以炮彈飛車般攔腰撞向路邊的燈柱，跑車即時斷成兩截飛至行人路，而男司機及乘客竟然沒事，司機平安呆坐車上，乘客則安然玩手機。

撞車短片在網上瘋傳，引起網民熱烈討議，有網友指該司機有點像張達倫，留言慰問：「有冇朋友仔可以話番畀我聽張達倫有冇事？」不少網友關心張達倫的安危。張達倫留言報平安：「多謝大家關心！我無揸跑車，所以我無事！專登畀張側面相，大家睇下似唔似？希望嗰兩位無事！有風水師叫我揸車小心啲，咁樣係咪都應咗啦。」並多謝關心他的網友：「多謝你令我知道，有咁多朋友關心我！」

 

大家覺得似唔似？

有風水師叫張達倫揸車小心啲，佢問咁樣係咪都應咗個劫？

 

昨日大埔發生交通意外，一輛跑車因「跣胎」失控。

司機和乘客奇蹟冇事，好好彩！

立即下載 | 全新《星島頭條》APP : https://bit.ly/3yLrgYZ