區永權家中驚現高空墮物 露台邊凹咗好彩人無事

區永權日前在社交網上載多張照片，留言更十分無奈，原來他發現寓所的露台有一支已彎的吸塵機棍，估計是由樓上跌落，而他的露台邊亦崩了一角，唯一慶幸是沒有人受傷。他寫道：「到底想點？只差一點點……失驚無神，騎樓傳出巨響，發現天降吸塵機棍乙支，支棍彎咗，而騎樓邊亦呈現一個大凹位，未知兩者有冇直接關係？！但肯定嘅，就係我哋非常好彩，無人中頭獎，否則後果不堪設想！只差一點點，如果當時正正係姐姐晾衫時候，咁就大劑！」

 

區永權屋企有大有細，擔心是正常。

今次原來已非第一次。

 

原來今次並非第一次出現高空墮物，區永權續寫道：「其實我樓上嘅鄰居（唔知邊一層），間中都會天降禮物俾我哋，例如：煙頭、紙巾、螺絲、垃圾等等，但如此重擊厚禮，都係第一次！懇請樓上朋友們，高抬貴手吧！萬分感激！」不少網民見到照片都覺得事件好離譜，對他的遭遇大表同情。

 

支嘢係本身彎，定係墮地後彎呢？

露台崩咗。

立即下載 | 全新《星島頭條》APP : https://bit.ly/3yLrgYZ