馮德倫讚《IT狗》好笑 出Po搲撈唔好剩係用佢張相

由凌文龍、楊樂文、岑珈其及陳湛文等主演的ViuTV電視劇《IT狗》，深受觀眾及網民歡迎，因為題材貼地又好笑，寸爆香港社會現象，話題性十足，之前更邀請到「薯片叔叔」曾俊華客串，原來韓仔心心手勢由佢創作出嚟，真係失覺晒。近年主力拍美劇馮德倫導演原來都係《IT狗》迷，唔只讚好睇，仲話好想參與㖭。

 

搵到曾俊華客串都好黐線。

 

馮德倫搲撈好好笑。

 

《IT狗》第4集，講述Pay Pay Duck團隊參加創科比賽，彭秀慧係評審，Pay Pay Duck老闆凌文龍為投其所好而Hack入彭秀慧電話，見到佢同馮德倫有張合照而自覺女方好鍾意男方，就作出大膽嘅提議，就係將寫字樓貼滿馮德倫嘅海報，甚至整埋人型立牌，等彭秀慧參觀公司時充滿驚喜然後對團隊加晒分。

曾經拍過兩套電視劇《新鮮人》及《老馮日記》，近年拍過兩套美劇，分別是2015年的《荒原》以及Netflix的《五行刺客》的馮德倫都睇得好開心，仲出Po搲Job添。「We  need good comedy👏Next time don’t just use my photos， ask me to join」(我哋需要好嘅喜劇，下次就唔好剩係用我張相嘞，叫埋我一齊玩啦。」該劇簡導演留言表示多謝。

 

全公司幫手貼馮德倫海報。

 

全部黑白相仲要有大有細張，製作好認真。

 

皮皮連件衫都有馮德倫個樣。

 

窗都貼滿晒。

 

好好笑。

 

彭秀慧劇中飾演數據港首席項目總監，佢去參觀Pay Pay Duck發現全公司貼滿馮德倫相當疑惑。

 

Pay Pay Duck老細話佢好鍾意馮德倫，所以全公司貼滿佢個樣。

 

馮德倫應該睇到大笑。

 

為怕被發現，凌文龍同員工洗腦。

仲有紙版人。

 

另外，尋晚嗰集完美重現電影《英雄本色》的多個經典場面，陳湛文更Po咗個深宵感觸文，「今晚ep8，我諗我哋全team都既緊張又期待呢一幕，雖說呢一幕有戲仿成份，但我同凌文龍拍攝時其實好緊張，就正正因為佢係《英雄本色》、正正因為佢係狄龍、正正因為佢係周潤發，佢哋都係站於香港電影界一個好重要嘅位置。呢一幕係簡導由衷想向《英雄本色》致敬嘅一筆。」

 

劇組真係好認真好厲害。

 

真係一模一樣。

 

呢幕笑出聲。

 

黐鬼線劇組。

 

立即下載 | 全新《星島頭條》APP : https://bit.ly/3yLrgYZ