獨家丨麥秋成買玩具冇頭緒向湯怡求救工作幾忙都掛住囡囡

2022-01-25 22:00

42歲的麥秋成去年跟湯怡奉子成婚，及後誕下囡囡「麥QQ」，雖然已為人父母，但麥秋成和湯怡對事業未有放慢腳步，男方除了繼續做排舞師，近年還簽約TVB作更多不同發展，當然啦，要努力賺奶粉錢。不過即使工作幾忙，都不能忽視囡囡。日前麥秋成跟友人傾完工作後，便即往選購玩具給前世情人，但可惜苦無頭緒，最後唯有向湯怡求教問意見，最終買到心水玩具冧囡囡。

轉眼間「麥QQ」已7個月大，可愛趣緻，難怪兩公婆不時在社交網站貼出一家三口的幸福合照。雖然近日湯怡在IG玩「你問我答」時被網民質疑同老公扮幸福，但湯怡冇嬲仲貼上幸福家庭照並以超高EQ回覆，「多謝一直有一少撮人一直都特別關心我哋嘅婚姻，我係一個演員，自問演技唔係特別好，所以我真係唔知點扮亦唔識扮幸福。」

麥秋成在餐廳內跟女友人邊食邊傾，表情十分認真。

食飽後兩人齊齊離開，不過麥秋成原來還有重要任務。

原來是到玩具店買玩具給囡囡，但起初似毫無頭緒。

日前麥秋成跟一名四眼女友人，在又一城食下午茶，兩人邊傾邊食。麥秋成和女友人食完結賬後步出餐廳，道別後各自離開，不過他未有即時走人，選擇去大型連鎖玩具店，原來一早已打算買玩具給前世情人，果然是廿四孝爸爸。現場見麥秋成看了一輪後似乎仍未揀到合心水的玩具，最後唯有向老婆「求救」；拿出手機影相及打電話，估計正是問湯怡應買那款玩具給麥QQ。問過老婆意見後，麥秋成最終買了一盒巨型屋仔玩具給囡囡，只見該屋仔內有小型傢俬及公仔等，非常適合小妹妹玩煮飯仔等玩意，最後他拿着玩具去停車場取車離開。不過記者細閱該玩具屋，原來適合3歲以上的小朋友，看來麥QQ要再大個少少，才能領略到玩具屋的樂趣。