「宇宙天團」ERROR兩位成員肥仔及193同是1990年1月14日出世，適逢昨日（14日）齊齊生日，二人分別推出Solo歌，MV上架未夠一日，肥仔新歌《Dear MAMA》已有14萬7千觀看次數，而193新歌《再次Puppy Love》更有近17萬觀看次數。

 

肥仔新歌大談親情，他表示過去試過發夢遇到親人離世，所以觸發他製作這歌，他說：「都知道大家好愛對方，但唔敢親口講句多謝，又唔想後悔，唔講出嚟就唱出嚟。」MV更邀得影后級人馬鮑起靜飾演媽媽角色，因為對方予人親切感，但遇上影后，肥仔自言都有點怯，但感激對方帶自己入戲，他說：「有場喊戲，起初以為自己唔知要演幾多次，心諗最好一Take過啦！點知喊完一次，導演真係要我嚟多次，心諗唔係啩，點知呢個時候，鮑姐突然行過嚟摸下我個頭，我就輕易代入返角色，又再喊多次，結果我前後喊咗半個鐘！」肥仔坦言這首歌是送給自己媽咪的禮物，希望媽咪看到會感到驚喜。

肥仔新歌MV邀請鮑姐飾演媽媽角色。

鮑姐摸摸頭，肥仔又再爆喊。

肥仔起初有點怯，但接觸鮑姐後感覺好祥和。

肥仔指新歌是送給媽媽。

肥仔新歌《Dear MAMA》MV昨日上架，未夠一日已有14萬7千觀看次數。

 

回母校拍攝禁親熱戲

至於193新歌《再次Puppy Love》則以「初戀可以嚟多次」作狂想，今次找來林明幀擔任女主角，二人一同飾演學生，事前向幫忙度橋的Writer阿輝要求要自肥，劇情中最好加入一些身體接觸情節如頭貼頭、臉貼臉的場面，不過最終事與願違，193大嘆道：「今次我返自己中學拍攝，都特登來來回回幾次返去學校同校長傾，但我母校比較專注學業，校長睇完故仔之後話唔得，因為學校唔鼓吹學生談戀愛，所以最好唔好有呢啲戲份。咁我梗係用咸濕仔角度，再問校長呢啲戲份可唔可以移師去公園或其他街道拍攝啦，但最終都係被拒紀，所以對校長……Respect！」其實MV中還有3妹（193妹妹）、造星4 Candy及Yoyo、Delta T及霍哥@微辣客串其中，星光熠熠。

 

《再次Puppy Love》不僅MV很有畫面，就連歌詞都十分露骨，令人想入非非，不過193卻說：「我又唔覺得露骨，如果覺得露骨就係你咸濕。今次唯一一句比較露骨，係『曾幻想一天觸碰你身軀　全日盡在被窩暢聚』，本身仲露骨，係『曾幻想一天觸碰你雙腿』，如果用雙腿就真係太露骨喇！」193指他寫這句歌詞時只是構思一個中學生，幻想自己三十多歲時，在某個周日早上，於美滿的家裡睡覺，但他忽然跳Tone再說：「但我知一定有咸濕仔諗咸濕嘢，我都唔怪你，我自己都係咁諗！」

兩人的生日願望都是希望ERROR四子及愛戴他們人都身體健康，並在事業上做出更好成績。

 

193新歌《再次Puppy Love》MV更有近17萬觀看次數。

193返母校拍攝。

今次找來林明幀擔任女主角，二人一同飾演學生。

或是最親密鏡頭。

立即下載 | 全新《星島頭條》APP : https://bit.ly/3yLrgYZ