MC曾認想追Santis認識中 女方當時自稱冇男友

張天賦（MC）呢期真係人紅是非多，拎完「吒咤生力軍」金獎後新聞不斷。先有被爆去年平安夜與《全民造星IV》Ash（鍾卓穎）行超市，疑似介入對方與台灣丈夫阿龍的婚姻，成為二人離婚導火線，不過其後澄清二人只屬朋友關係。今日再有指MC於上月27日疑似再與另一名人妻Santis（陳濬樺）行超市，女方曾經與MC拍過《反對無效》MV，有傳她是YouTuber熊仔頭老婆。記者就此向MC所屬的唱片公司華納查詢；華納唱片發言人表示：「冇任何回應，謝謝。」

 

MC早前同Ash傳緋聞，女方日前宣佈離婚。

 

MC上月27日疑似同Santis行超市。

 

有傳Santis已婚，老公疑是YouTuber熊仔頭。

 

當事人暫未回應，但睇返上年MC做的訪問，似乎有啲料到。去年6月，MC為宣傳新歌接受陳志雲YouTube節目《Stephen．傾》訪問，席間聊到童年、參加《造星II》、出道後的經歷等。而MC尾段亦表示多謝唱片公司給予機會，當時又好開心推出了個人第二首單曲《反對無效》，講到MV有女主角，他亦笑得甜絲絲。MC被主持陳志雲問到：「你好鍾意個MV女主角？」MC亦毫不掩飾愛意：「都幾鍾意㗎！」正想拉開話題，陳志雲再追問他會否追求Santis？MC面都紅晒咁表示：「都要睇佢點諗，少少（想追求對方）。」

 

MC在《Stephen．傾》中大談對Santis有興趣。

 

MC俾陳志雲問到招架唔住，直認幾鍾意Santis。

 

不過再被陳志雲問到是否已展開追求？MC就有啲遲疑，只是回答：「認識緊囉！」又稱Santis對他說沒有男朋友，最後都大方表示對Santis有興趣。提到問對方有沒有男朋友的原因，其實是因為拍MV時有些親密舉動，因此他出於禮貌而問對方感情狀況，又稱如果對方沒有男朋友，他可以少啲顧慮。

 

至於拍MV時的趣事，MC就大爆Santis在未告知他的情況下，主動錫咗他面珠一吓，他指導演好似冇咁要求。陳志雲就單刀直入問MC幾時會約Santis？MC表示：「大家都處於好忙嘅狀態，真係要等得閒囉……但佢再試吓忙多一陣就真係反對無效。」似乎當時已下定決心要追求Santis了。

 

Santis當時向MC表示冇男友。

 

二人去年5月合作拍MV。

 

立即下載 | 全新《星島頭條》APP : https://bit.ly/3yLrgYZ