Juicy叮｜2歲兒半夜扭計大哭 港媽不滿外傭扮瞓唔幫手氹

小朋友半夜哭鬧，令父母頭痛不已。一名港媽於討論區發文指，其2歲兒子不時於半夜「扭計」大哭，她與丈夫哄睡多時亦不成功，遂請外傭幫忙，惟對方竟「扮瞓」不願幫手，令港媽十分不滿。

該名港媽於「親子王國」發文指，其2歲兒子平日依賴外傭照顧，晚上則由她及丈夫「自己湊」。早前兒子於凌晨「扭計」大哭，樓主與丈夫多番哄睡亦不成功，「小朋友脾氣臭，唔畀我哄，我哋第二日又要返工」，遂向外傭求助，但對方竟「扮聽唔到唔肯起身」。

樓主透露，平日對外傭不薄，不但容許她「瞓晏覺」及於工作時間使用手機，甚至答允對方可外出過夜，惟外傭的表現卻令她十分失望，「我畀足時間佢休息，盡量令佢舒服地工作。有時太竉工人都唔得，養唔熟」、「其實我無諗過佢會衰到扮聽唔到，嬲嬲哋叫佢以後都唔准瞓晏覺！」

樓主直言兒子半夜「扭計」的問題難以解決，「佢成日瞓瞓下扭要人拍住佢瞓，唔拍佢又喊，唔理佢就成家被嘈醒」，不滿外傭袖手旁觀，「咁又唔係成日要佢幫，間唔到一次半次」，更形容對方「好唔helpful（樂於助人）」。

帖文引起網民熱論，有網民認為半夜屬休息時段，外傭拒絕幫忙亦無可厚非，「工人幫係人情，唔幫係道理」、「收咗工佢又真係有權唔起身幫手，同樣你都可以唔畀佢瞓晏覺，呢啲係額外嘢，唔係老奉畀你瞓㗎」、「我覺得畀姐姐一個合理嘅連續休息時間係應該，做人阿媽唯有自己哽」；亦有網民認為解決小朋友半夜「扭計」才是治本的方法，「其實你要解決小朋友凌晨兩點發脾氣擾人清夢的問題才是治本，而不是怪工人不肯起身湊你小朋友」。 

資料來源：親子王國

立即下載 | 全新《星島頭條》APP : https://bit.ly/3yLrgYZ