Juicy叮｜欲自行抽居屋母反對 港女怨偏心：佢想我幫細佬供樓

香港一樓難求，不少年輕人都要靠父母資助「上車」置業。一名女網民於討論區發文訴說，原本打算靠自己抽居屋，惟母親得悉後擔心日後無人替弟弟供樓，因而表明反對。該女網民批評母親重男輕女，甚至直言對母親感到心淡，不想再回家過年。

該名女網民於「香港討論區」指，自己現時租屋獨居，平時有給予家用，惟希望擁有屬於自己的家，故遂打算抽居屋。樓主原本以為母親會支持她決定，沒料對方得悉後竟擔心，若樓主成功抽中居屋，將來無人替弟弟供樓。

樓主透露母親早已儲下一筆資金作弟弟買樓之用，「不過細佬人工少，阿媽幫細佬畀首期，仲想我幫佢供樓」。面對母親的要求，樓主甚感不忿，批評對方過於偏心兼重男輕女，「我媽一毫子都無諗過幫我畀首期」、「都係同一個阿媽生啫，咁偏心」，並指母親認為替弟弟供樓是理所當然，直斥要求無理，「佢覺得我幫細佬供樓係應份」、「咩都無我份，又要我付出」。

樓主最後亦坦言，經此事後已對母親感心淡，甚至不想回家過農曆新年，「當我同佢講想抽居屋，佢唔係戥我開心，而係驚到時冇人幫細佬供樓，真係心都淡埋」，惟最後強調會堅持申請居屋。

帖文引起網民熱論，有網民批評樓主母親自私，處事不公，「你媽幫你細佬畀首期無問題，但要你幫手供埋就唔合理」、「同阿媽講，幫手供無問題，咪加埋自己個名去層樓到，公平公正」、「樓主為自己打算下，呢個年代仲咁重男輕女，你細佬只會愈來愈懶」；亦有網民認為母親有權選擇替兒子供樓，「你老母有權選擇幫邊個，你叻仔的話咪走囉，洗咩人幫」、「啲錢係你阿媽，佢有權揀俾邊個嘅，唔畀你咪靠自己囉，唔使唔開心」。

資料來源：香港討論區

立即下載 | 全新《星島頭條》APP : https://bit.ly/3yLrgYZ