Juicy叮｜胞姐突搬返娘家累網民做「廳長」2個月 倡騰出睡房做BB房

有網民在「香港討論區」發文，指其胞姐與姐夫早前搬回娘家暫住，要網民做「廳長」2個月，之後更提出要網民遷出騰出房間做育嬰房，令網民極為不忿。

發文者指，之前胞姐因家中裝修跟姐夫搬回娘家居住，要網民出客廳睡覺，一直維持兩個多月。近日胞姐突然提出，將來生下小朋友後，想叫媽媽幫手照顧嬰兒，提出要發文者可否搬走讓出房間用作育嬰房。

但網民拒絕，「我唔想搬，加上原本你哋有小朋友點樣照顧係你哋嘅事。就算要媽咪湊都唔使要我搬走，然後用我間房做BB房呀」

豈料胞姐怪責，「係咪想叫佢個B瞓廳？」發文者指將來胞姐都已經吩咐媽媽上門照顧陪月，為何坐月時可以叫媽媽上門照顧，但之後又要將BB送回去娘家。

發文者不滿，「就算要喺我屋企湊都唔使一個B用晒成間房咁多位，我又唔介意張BB床放喺我間房入面。點解要我搬出去自己住就係為咗要讓返間房出嚟做BB房？BB又唔會係我哋屋企長住，唔通有BB真係大晒咩，所有嘢都要人就佢？」

有網民質疑，「如果要搬返嚟住佢哋都唔會裝修啦，我估佢哋真係純粹為咗要有間BB房」。有人提出應該反建議，「你大可以同佢講一人讓一步，你讓間房畀個BB住，咁佢哋就讓層樓畀你。夠哂公平」

有網民擔心發文者胞姐夫婦會長期侵佔，「依家唔反抗，你就會變咗下一個美華。我家老婆細妹一家三口又係搬去外母到住，每月放下三四千，全包，仲要幫佢做家務，初時又話申請公屋，抽居屋，買私樓，過咗五年問佢點算，仲要發爛渣，乜都冇做，心照啦，好彩外父出聲要佢哋一年內搬先解決到。」

帖文轉載自「香港討論區」 

立即下載 | 全新《星島頭條》APP :https://bit.ly/3yLrgYZ