Juicy叮｜胞姐突搬返娘家累网民做「厅长」2个月 倡腾出睡房做BB房

有网民在「香港讨论区」发文，指其胞姐与姐夫早前搬回娘家暂住，要网民做「厅长」2个月，之后更提出要网民迁出腾出房间做育婴房，令网民极为不忿。

发文者指，之前胞姐因家中装修跟姐夫搬回娘家居住，要网民出客厅睡觉，一直维持两个多月。近日胞姐突然提出，将来生下小朋友后，想叫妈妈帮手照顾婴儿，提出要发文者可否搬走让出房间用作育婴房。

但网民拒绝，「我唔想搬，加上原本你哋有小朋友点样照顾系你哋嘅事。就算要妈咪凑都唔使要我搬走，然后用我间房做BB房呀」

岂料胞姐怪责，「系咪想叫佢个B瞓厅？」发文者指将来胞姐都已经吩咐妈妈上门照顾陪月，为何坐月时可以叫妈妈上门照顾，但之后又要将BB送回去娘家。

发文者不满，「就算要喺我屋企凑都唔使一个B用晒成间房咁多位，我又唔介意张BB床放喺我间房入面。点解要我搬出去自己住就系为咗要让返间房出嚟做BB房？BB又唔会系我哋屋企长住，唔通有BB真系大晒咩，所有嘢都要人就佢？」

有网民质疑，「如果要搬返嚟住佢哋都唔会装修啦，我估佢哋真系纯粹为咗要有间BB房」。有人提出应该反建议，「你大可以同佢讲一人让一步，你让间房畀个BB住，咁佢哋就让层楼畀你。够哂公平」

有网民担心发文者胞姐夫妇会长期侵占，「依家唔反抗，你就会变咗下一个美华。我家老婆细妹一家三口又系搬去外母到住，每月放下三四千，全包，仲要帮佢做家务，初时又话申请公屋，抽居屋，买私楼，过咗五年问佢点算，仲要发烂渣，乜都冇做，心照啦，好彩外父出声要佢哋一年内搬先解决到。」

帖文转载自「香港讨论区」 

立即下载 | 全新《星岛头条》APP :https://bit.ly/3yLrgYZ