叱咤丨張敬軒力讚姜濤有無限可能 指樂壇要如八仙過海齊齊出力
2022-01-02 13:30 
張敬軒於昨晚（1日）在亞博舉行的《2021年度叱咤樂壇流行榜頒獎典禮》上，連奪「男歌手」金獎、「至尊唱片大獎」及歌曲獎，與早年的張學友睇齊奪得「金滿貫」，他稱身上是有著很多人的努力，感謝公司及前公司為他打好基礎，否則未必得到這個成績。而5度奪男歌手金獎的軒仔表示感到很開心、滿意及意外，亦為團隊帶來一個肯定，尤其是現今樂壇新局面仍能有斬獲；正如現場看到有許多MIRROR的粉絲，更感不管粉絲是支持誰，其實也是同樣是支持香港樂壇。
軒仔不單止在姜濤得獎時站起身拍掌，他還大讚：「姜濤係一個有想法嘅男仔，我都有花時間睇佢嘅作品，喺當代藝人中，佢有自己嘅審美及視野，正如佢喺台上講香港要做亞洲第一，以我呢個年紀講就會有啲勉強，但以佢就咩都有可能、因青春就係本錢，所以我都很希望任何一個年輕歌手能代表香港衝出更遠嘅地方發光發熱，我哋亦可以喺後面做好配套支持佢哋，猶如『八仙過海』各顯神通，大家以自己嘅強項互相支持，呢個行業先有進步，否則一個人攞晒獎又點，依家最開心係整個行業都興旺。」
最新回應