愛上我的衰神丨87歲羅蘭神級演技超催淚 C君被「嘔味」火鍋兜頭淋
2021-12-31 14:00 
TVB奇幻愛情劇《愛上我的衰神》開播以來，胡鴻鈞與新手「衰神」陳嘉慧（Erica）獲網民大讚好有CP感。劇中亦加入好戲之人羅蘭飾演北河（胡鴻鈞飾）的嫲嫲，一直以來嫲嫲對孫仔的種種惡行，令人看得咬牙切齒，昨晚（30日）終於真相大白！原來嫲嫲一直好心疼北河，所有的「惡言相向」都是為孫仔設想；昨晚劇情一度讓人以為兩嫲孫終可「團圓」，可惜嫲嫲最終卻突然孤獨離世。由於劇情超催淚，加上羅蘭姐的慈祥樣演得入心入肺，網民看畢大表感動，並紛紛留言對年屆87歲的羅蘭姐表示佩服：「真係好好戲」、「雖然一把年紀，但演技真係好好，走路都有戲」、「惡婆、慈祥、悲慘，扮嗰樣似嗰樣」。
劇中C君飾演202房客阿發，經常被Erica飾演的小渝騷擾，長期活在撞鬼陰影下。其中一場小渝情急下將一碗熱騰騰的即食火鍋兜頭淋在阿發身上時，C君接受訪問時指該幕是「唏噓多於歡笑」：「首先嗰個即食火鍋你想像唔到佢係凍嘅，因為工作人員唔想淥親我；然後因為佢哋想要麻辣味，但又想啲湯淋落我度顯眼啲，所以溝埋番茄味落去，出嚟效果的確好似嘔味！」
他又笑指除了皮肉之苦，還要受盡精神折磨：「我拍時受盡陳嘉慧欺凌，佢係咁喺我面前笑同影相！同埋我同啲工作人員合作咁多次，從未試過有人要求合照，從未有過少少似藝人嘅對待，但嗰日所有台前幕後係咁輪流走埋嚟同我Selfie，我就成身嘔味，佢哋就係咁喺度笑。」
最新回應