鄭欣宜快閃信和為新碟做勢 Fans直擊過程讚佢Cute

鄭欣宜（Joyce)由舊唱片公司星娛樂轉戰寰亞五年，音樂成績愈嚟愈好。今年大熱作品《@princejoyc》及《先哭為敬》先後成為五台冠軍歌，一年有兩首五台冠軍歌，認真威水！

Joyce前晚出席新城勁爆頒獎典禮連奪兩獎，分別是勁爆女歌手及憑《先哭為敬》奪勁爆歌曲，她在當晚表演歌曲《@princejoyce》時向後跌低，但仍面露笑容執生，幸好身邊幾位舞蹈員及時將佢扶起，欣宜冇大礙繼續跳唱，最後她笑說：「跌低咗少少！」又稱最緊要企得返起身，台下即有掌聲鼓勵。

欣宜前晚在新城頒獎典禮表演時跌倒。 ​

Joyce昨日在IG開心分享相隔五年再度推出的全新廣東話大碟，並寫上：「已驗證。等咗5年！！！今日我有得再出碟喇！！！我的新專輯《JOYCE TO THE WORLD》依家就喺各大唱片鋪發售！！！未得閒去買碟嘅你亦可以喺各大音樂平台聽住先！！！特別鳴謝唱片公司上上下下，Management團隊，glam team，多謝你地幫我一齊發掘/打造現在的JOYCE。係時候Show Off吓我地準備咗嘅野lu～！！！我愛大家、亦愛自己。祝你自戀。Joyce To The World」。眾星紛紛留言讚好，容祖兒大力支持更寫上：「Congratulations Joyce!」

另外，欣宜昨日接受完電台訪問後即到旺角信和為新唱片宣傳造勢，見佢行勻幾層唱片舖，一見到店外貼咗自己新專輯Poster就興奮歡呼，更逐間去到有自己唱片賣嘅舖頭打卡，雖然欣宜咁易認，但去到信和都唔係太多人認到，有認得嘅Fans就直擊佢去唱片舖打卡過程，仲話佢好Cute添。

欣宜接受電台訪問。

 

欣宜跑到旺角信和為新唱片宣傳造勢。

欣宜見到自己新碟宣傳海報，表現相當興奮。

 

欣宜在唱片公司宣傳人員陪同下，初次體驗當銷售員。

 

欣宜見到粉絲影相，相當識做舉手打招呼示好。

欣宜今年推出的兩首作品先後成為五台冠軍歌曲。

欣宜出新碟，祖兒同Super girl成員Aka留言讚好。