鍾雨璇中西藥溝住嚟食 盼留意新歌唔好只記得台上暈倒

歌手鍾雨璇今日帶同愛貓到旺角為新歌拍攝MV，提到昨晚出席《新城勁爆頒獎禮2021》時在台上突然暈到，她稱當刻眼花只見到黑白光，但沒有失去知覺，她說：「我只係諗到用手遮住塊面，因為唔想畀人影到，但想企起身又冇力氣。我都想講聲Sorry，仲要感謝陳展鵬同吳浩康喺台上幫忙。」

鍾雨璇稱，前一晚陪婆婆去尖沙咀海旁過聖誕節，可能因此受涼感冒，頒獎禮當日早上有不適，聲沙沙但食藥後沒有大礙。她續說：「平時生理期都容易頭暈，有中西藥溝住嚟食，到頒獎禮嗰時就着咗幾件褸，可能因為咁焗親。」

今日帶埋愛貓一齊出活動。

工作太忙，仲未有時間睇醫生。

 

問到現時身體狀況？鍾雨璇表示跌倒後頸痛及小腿痛，想抽時間看跌打，但工作太忙，希望完成拍攝後有時間看醫生。要抱病工作？她稱已多次改期，不想再影響到大家工作，因早前簽新公司，更為她推新歌及拍MV，希望大家不要只記得她在頒獎禮暈倒，也可以留意到新歌。鍾雨璇表示收到好多朋友慰問，仍不曉得如何回覆，又表示經過今次教訓已怕怕，如有不適會暫停工作以免影響其他人。

鍾雨璇被抬離場。

今日精神已經好番好多。