麥美恩演黑臉為食神超累 馬貫東為扮型兩個月漂髮10次
2021-12-26 14:30 
麥美恩與馬貫東在新劇《愛上我的衰神》，飾演在第二維度人生管理局工作的兩大衰神代表—包秀玉及Santino，二人劇中更是歡氣冤家。包秀玉最大特點是超級為食，因而經常違反第二維度規條，鬧出不少笑話。不過美恩笑言做食神其實有苦自己知：「當時我要keep fit，所以拍起上嚟好考演技。因為要演到好滋味咁，同埋要扮個口keep住有嘢食，變咗依家練到可以一路食嘢、一路好清晰咁講對白。」除了為食，包秀玉亦相當兇狠，美恩早前接受娛樂新聞台訪問時，坦言長期口黑面黑令其相當疲累：「每日收工眼皮肌肉都好攰，因為成日要黑臉，又要出盡力睥人。」
Santino特色則是相當貪靚，經常以奇裝異服登場，配以「尖端」髮型，相當搶眼。馬貫東坦言相關造型相當大突破：「首先要漂足六次頭先可以做到一個全頭白髮嘅效果，短短10集嘅劇令我喺兩個月入面足足漂咗10次頭。呢個角色最難嘅地方，係我長期都要好不可一世咁，但又唔可以令人討厭。」Santino劇中負責管理劇中麻煩貴婦龐楊嘉倩（謝雪心飾），愛認叻的Santino每當抽中此任務，都定必出盡全力整蠱嘉倩，有一次更跌到一仆一碌。心姐事後坦言該場戲拍得很辛苦：「件晚禮服好重，發唔到力，游起上嚟好辛苦。」
最新回應