黃子恆憶拍《拳王》拍到頭暈

　　（星島日報報道）黃子恆憑台慶劇《拳王》，成功躋身《萬千星輝頒獎典禮2021》的「最佳男配角」五強，他說：「入到五強好感恩，其實由開始接拍《拳王》已經好感恩，因為唔係自己做開嘅角色，挑戰同娛樂性都好大，我一路睇劇本一路覺得葉迎風呢個角色好好玩，葉迎風對於我就係一個可遇不可求嘅好角色。我好開心好感恩一路有好多觀眾朋友、同事同我講好鍾意睇到葉迎風，係好難得嘅。每個人都會想得獎，但我更加開心係可以做到葉迎風呢個角色。」
　　至於劇中最辛苦的一幕戲，他謂：「記得有一場係祥哥喺欣澳拉住我跑，由於之前嗰晚只係瞓咗好少就要出外景，即時頭暈！」不過他補充指難得遇上好角色，甚麼都值得。