Juicy叮｜不滿女友吃下午茶狂打卡 港男呻：影相無咗廿分鐘

近年潮流興「相機食先」，精緻甜品或英式下午茶特別受歡迎。一名男網民於討論區發文指，陪女友吃下午茶期間，不但要幫女友不斷影相，又呻下午茶餐「無咩好食」，令他不禁慨嘆，「陪港女食下午茶嘅男朋友好偉大」！

該名男網民於「香港討論區」發文指，早前陪女友食下午茶時，「預咗係自己埋單」，並認為該餐「打卡」為主要目的，吃東西只屬其次。他指，陪女友吃下午茶時，「幫女朋友影一大輪相先、又要擺Pose、又要打卡、又要影獨照，影相都無咗十幾廿分鐘」。

樓主透露，該下午茶套餐「其實冇咩好食」、「樣樣都好細件，仲要凍晒」，形容猶如自助餐時吃剩的點心，收費卻500元以上，但無法果腹。他又指，女友要求吃下午茶時需按次序，但整個下午茶其實只有數件，「2、3啖就食完，但你女朋友起碼坐成2個鐘」，令樓主感到十分無奈。

帖文引起熱論，有網民表示若樓主不喜歡吃下午茶，不應勉強自己，「不情不願，真係唔應該勉強自己，為乜呢」、「何苦為難自己？」；亦有網民指吃下午茶亦屬情趣，「去食得咁貴下午茶應該係慢慢享受」、「有好多時間談情喎，慢慢食慢慢傾幾好」，「每個人追求的野唔同，你享受就得啦」。

資料來源：香港討論區