「二五仔」餘波未了田北辰：我忍得好犀利

2021-12-25 07:39

曾被民建聯周浩鼎於選舉論壇上指責為「二五仔」，實政圓桌田北辰繼日前在記者會不點名批周「為做票王亂扣帽子」，昨日在電台節目再提到自己在二○一六年立法會選舉中，得票佔建制派整體票數三成，但今屆下跌至兩成一，歸咎有人在選舉論壇上挑起舊史。

田北辰話，對他提出質疑不是問題，「問題係如何表述」，如果對手挑戰其「唔盲撐、唔盲反」路綫，是否指他很多時候都不支持政府，為何仍叫建制派，「我好簡單答，我係民意代表，監察政府」，並認為「如果你話乜野都要盲撐，咁我唔使做議員入立法會。」

主持人又提到有批評他的人和前特首「打龍通」，對方所講的，田北辰應該不感意外，他回應指「呢啲說話你講啦，我唔講啦，我忍得好犀利㗎喺個論壇，我可以駁擊佢，不過嗰啲野我唔講。」他憑直覺又認為，周浩鼎今次不是衝口而出，旨在拿高票，「佢想喺建制陣營擸晒啲票，提醒建制選民我唔係忠誠支持派。」

民建聯周浩鼎於選舉論壇上指責田北辰為「二五仔」。資料圖片

關鍵字