謝茜嘉為母聘外傭做親子替身 姐姐眼中李尚正外型勝Soko
2021-12-23 07:00 
電台主持謝茜嘉與印傭姐姐最近一齊上李尚正、和泉素行（Soko）主持的香港開電視節目《姐姐去哪兒》，謝茜嘉叫「姐姐」憑外型在兩位男士中二選一，結果由李尚正完勝，Soko笑言可能說話太大聲所以落敗，會好好檢討。
謝茜嘉透露因為「姐姐」主要是跟她的媽媽獨處，所以受聘條件以純品為先，她說：「當時只係視像見面，見咗好幾個『姐姐』，覺得呢個『姐姐』最純品，我係憑笑容嚟釐定，因為笑容係冇得呃。」謝茜嘉續說聘請「姐姐」後，有意想不到的事發生，她謂：「媽咪好似多咗個伴，好似湊女咁，對『姐姐』循循善誘、仲有啲呵護，以前放喺我哋身上嘅嘢，呢份寄託咗喺『姐姐』身上，有少少覺得『姐姐』係我哋嘅替身，媽咪好錫佢。」
謝茜嘉話媽媽當咗姐姐係個伴，好似湊女咁。
節目中，李尚正與和泉素行問謝茜嘉的「姐姐」返印尼後夢想做甚麼？「姐姐」表示希望開「鏡店」，當大家以為「姐姐」想從事賣鏡行業時，原來「姐姐」講嘅「鏡店」是Canteen（食堂）的意思，因發音問題，大家誤會為「鏡店」，認真搞笑。
「姐姐」話回鄉後想開「鏡店」，原來係指Canteen。
關鍵字
最新回應