城城忙拍新戲不忘綵排除夕騷 見MIRROR成樂壇新血感開心

郭富城（城城）、任賢齊（小齊）、林家棟、張可頤、胡定欣、林雪及監製爾冬陞等，今日一起到葵涌貨櫃碼頭進行拍攝工作。城城稱與小齊20多年前做歌手時已認識，但至今才首次合作拍攝電影，小齊則笑言過往經常問城城經理人小美何時才有機會與城城合作拍電影，現終於如願，城城讚小齊有喜感，小齊即回敬說：「同城城合作有驚喜，喺圍讀睇住城城行入嚟時，已覺得佢怪怪，原來佢係戴住副假哨牙等自己入戲。同好對手拍戲真係好興奮，而且同佢對戲時好認真，但佢戴住假哨牙喺度鬧人時，不時會噴出嚟。」城城解釋在戲中他不是殺人便是打人還會不時罵人，所以大聲罵人時假哨牙很容易便會噴出來NG。此外，城城耳朵的特別化妝效果是要顯示出他是一位摔跤手，每次拍攝前總要花1小時化耳妝。

眾人今日在葵涌拍攝新戲。

城城（右）原來是首次跟小齊合作拍電影。

 

開拍以來，城城最難忘是在廟街拍攝，在香港生活了幾十年，這是他首次能在廟街進行封街拍攝一星期，所以感謝街坊支持。最難忘是否被曾比特襲擊下體？城城連番否認說：「冇！冇！冇！我一啲事都冇，係佢襲擊我，但被我摔低，只係角度問題。」城城開心表示聖誕可以放假，之後才開工，可有時間為除夕倒數音樂會綵排？城城謂上次舉行完慈善音樂會後巳有一年多沒有上過舞台，因此難免會忘記部份舞台感覺，所以一有空檔便去綵排，城城謂：「一排舞我就好興奮。」 

城城在戲中要戴假哨牙上陣，但卻不時因噴出來而NG。

單是城城隻耳仔化妝，便要花上成個鐘。

 

對於除夕夜將與MIRROR隔着維港打對台演出？城城說：「一個咁大型嘅節日，最緊要大家喺唔同表演上令觀眾開心，而唔係咩打對台，對我嚟講香港係需要有一啲新歌手，我睇到聽到呢啲好開心，大家應同心合力一齊做好個騷，呢個先係大前題同埋我嘅心態。」而小齊被問到王力宏婚變，城城即幫口表示今天只談電影。

城城、小齊等人主演的新戲，已拍到接近尾聲。

城城坦言見到MIRROR等樂壇新血，相當開心。