孫慧雪拍豐胸廣告獲滿意酬勞 選購聖誕禮物予老公囝囝送驚喜

孫慧雪和老公Edwin今晚出席電影《月老》首映禮，阿雪表示剛完成拍攝一個豐胸代言人的廣告，由於服裝有點性感，因此拍攝前要節食減肥，但又怕減肥時連上圍都減走，故每日主力踩行山機減下半身，拍完廣告立即擦餐勁，阿雪謂：「之前節食唔敢食太多，剩返嘅嘢食都由老公食埋，所以反而搞到佢肥咗。」

 

兩夫婦少有拍拖出席活動。

 

阿雪一向身材出眾，有豐胸廣告拍一啲都唔出奇。

 

廣告的性感打扮有給老公過目？阿雪表示：「佢有睇過，話只要靚就可以，佢好支持我，不過我都有就住的，最重要意識唔係大膽就得。」阿雪指代言酬勞不錯，會用來買禮物給兒子和老公做聖誕禮物，至於老公送甚麼，Edwin即保持神秘表示是驚喜。

 

阿雪表示會準備聖誕禮物給老公和囝囝。