拳王｜朱敏瀚半裸救狗仔 蔡潔睇到盲目

TVB台慶劇《拳王》今晚劇情重點落在年輕演員的感情線上，雖然加晴（蔡潔飾）對於石子聰（朱敏瀚飾）的情深追求一直視而不見，但由於子聰處處為她著想，加上愛心爆棚「英雄救狗」，令加晴對正藍看似單向的感情有所動搖。該幕除了蔡潔及朱仔的交流有睇頭，朱仔一身超強肌肉亦相當吸睛；朱仔透露與張振朗其實齊齊於一年前已開始操練：「因為想喺《拳王》入面展現不一樣嘅自己，希望觀眾見到我哋真係有為角色努力過。」

朱仔反而話有點尷尬，因為第一次在女仔同狗狗面前當街除衫。

朱仔正式埋位前相當努力操練谷肌。

觀乎花絮照，朱仔正式埋位前相當努力操練谷肌，而他與蔡潔互動似乎有點尷尬，但蔡潔笑言只是劇情需要：「因為佢哋經常要喺劇入面騷肌，所以我已經盲目咗，初初唔熟真係會有距離感！佢哋班男仔好Friend，成日互相檢查肌肉，我係唔夠膽同佢哋一齊玩。」相關場口特別之處，除了拍攝當日天朗氣清令鏡頭拍出來份外唯美，狗狗演員也有帶給二人無限「驚喜」，朱仔笑謂：「其實狗狗算係好合作㗎喇，只係因為劇情需要我成日摸佢大髀內側，咁我每次摸佢都會趷起；都正常嘅，人都會咁反應啦。」

二人大讚狗狗十分可愛配合。

朱仔跟張振朗一樣操足一年才操出這副Body。

另外，昨晚（15日）劇情講述大好人石在林（鄭子誠飾），幾經辛苦終與前度Linda（甄詠珊飾）冰釋前嫌，正當以為在林守得雲開，Linda卻遇上車禍身亡，在林於醫院邊喊邊痛心問道：「佢啱啱先話同我從新嚟過，點解會咁？！」另一邊廂，駿風拳館的棠哥（冼灝英飾）經好友太太佳嫂（韓馬利飾）連番苦勸，終願意放下執念忍痛與成了植物人廿年的好友告別，正藍亦因而憶起當年痛別哥哥正曦一幕。 

在林在醫院表現悲慟。

棠哥痛別好友一幕。