林子祥開騷前盡量少食養聲演出後堅持要飲汽水解喝

2021-12-16 07:00

林子祥（阿Lam）明年3月於亞博舉行一場《開心演唱會》，門票將於今天公開發售。昨日（15日）阿Lam的演唱會FB上載一條他接受測試有關網絡用語的影片，當中他直認自己「唔上網」，所以對那些用語可謂一無所知，甚至連已在坊間用了多年的如「1314」，「520」這些簡短網絡密碼，阿Lam見到反問：「一生一死？唔易擰？」他自己估完都忍不住笑。

阿Lam坦言對網絡用語一竅不通。

相信屆時開騷，老婆葉蒨文及兒子林德信等必前來支持。

距離演唱會還有3個月，阿Lam謂暫未打算開始練歌：「唱左幾十年，唔係好駛練啦，因為今次會唱晒所有經典歌囉！」至於造形，阿Lam堅持只會穿上自己覺得舒服的服裝上台，他笑謂：「唔討人厭就得。」問到如何養聲，阿Lam表示：「咁多年嚟我都係用同一個方法，就係食好少嘢，飲少啲紅酒。」有沒有甚麼開騷小習慣，阿Lam稱沒有特別，反而演出完後一定飲汽水，因為實在太口喝。