立會選舉｜拍片撐場大讚梁熙好叻仔 曾鈺成：唔選佢唔通選個扮民主派？

下周日（19日）便是立法會選舉投票日，日前港島東直選參選人、民建聯梁熙日前在選舉論壇誤稱要「為西灣河爭取地鐵站」及在選舉宣傳單張寫上「服務港島東29年，選情嚴峻」，多次成為網民熱議的焦點。民建聯創黨主席、立法會前主席曾鈺成親身上陣拍片為梁熙「拉票」，又大讚梁熙「讀書又叻，做嘢又叻」。

曾鈺成今晚（13日）在其fb平台上載一條長約2分鐘的短片，片中他以港島東選區為例，指4名候選人全部都愛國，否則不能取得選委提及及通過資格審查委員會，「咁點揀呀？隻隻牌子都話好，咁緊係揀你用開、信得過嗰隻啦」，之後他指梁熙是長期堅持愛國立場、從不動搖的民建聯成員。

民建聯創黨主席曾鈺成為梁熙「拉票」。

民建聯創黨主席曾鈺成為梁熙「拉票」。

在片中，曾鈺成大讚梁熙是一名「叻仔」，「讀書又叻，做嘢又叻」，建立個人事業後把成功經驗回饋社會，「佢帶住對香港嘅感恩服務市民，唔係好似啲人咁，樣樣嘢都做唔掂，然後投機做政客，梁熙叻得嚟唔沙塵，唔會好似有啲人自己講成拯救香港，好似香港無咗佢唔得。」

曾鈺成續指梁熙只有「服務市民嘅謙虛真誠，無自我膨脹嘅白霍囂張」，而且立場鮮明不偏激，信念堅定不固執，反問：「佢一定可以同方方面面的愛國愛港人士團結合作，一個咁嘅叻人、好人，唔選佢選邊個？唔通選個扮民主派？一係唔選，一係就選梁熙」。他呼籲一向支持民建聯的市民將選票交予梁熙，而過去沒有支持民建聯的人，也會發現梁熙是最值得支持的參選人。

與梁熙一同在港島東競選的，還有新民黨廖添誠、工聯會吳秋北，和獨立候選人潘焯鴻。候選人名單請參閱：https://hd.stheadline.com/legco2021/