黎諾懿細仔出世乳名小冬牛 送上六位數鑽戒獎勵太太
2021-12-11 18:30 
黎諾懿和黎燕珊今日一起到銅鑼灣《第55屆工展會》出席宣傳活動，昨晚（10日）黎諾懿的細仔在醫院出世，他受訪時心情喜悅謂雖然太太嘗試鼓勵自己親手剪臍帶，但自爆最終只能鼓起勇氣探頭看到囝囝剛出生的一刻，便立即返回原位坐下。黎諾懿又表示：「細仔出生時有7磅重，個樣同小春雞好似。同埋由於太太決定『封肚』，所以佢要求醫生由內層開始將傷口縫好啲，所以今次喺手術室內時間長咗啲。」黎諾懿又笑言趁太太不在場，立即透露細仔的英文名是Luca，因全家人也是用上L字頭的英文名字。至於中文名，黎諾懿指自己很喜歡「辰」及「奕」字，但要看師父能否用上這兩個字。
是否真的決定「兩個夠晒數」？黎諾懿指若生多一囝囝，相信太太會很頭痛，而他希望當爸媽的能各自帶一個小朋友出街，因認為一對一是最好的照顧方式，他笑言：「要囡囡嘅話，我有契女『允豬』。」會怎樣獎勵太太？黎諾懿大方地表示送了6位數字的戒指：「因為代表永恆，最緊要大粒同卡數，太太話唔係畀自己，係留俾兩個仔或新抱代代相傳，所以我只負責找數。」
最新回應