陳柏宇紅館騷｜黎明做嘉賓呆等個幾鐘：呢行就係呃呃氹氹

陳柏宇（Jason）一連兩場《FIGHT FOR》演唱會昨晚在紅館開騷，太太符曉薇（Leanne）抱3歲女兒陳羿辰（Abigail ）在席上睇騷，好友黃妍、小塵埃、布志綸、江伊晴和老公蕭唯展前來捧場。

陳柏宇以紅色笠頭神秘裝束現身，高唱《對得起自己》打頭陣，之後螢幕播出他的讀白，以漫畫方式交代童年，獻唱《尊嚴》時，旁邊放有一張單人床，呼應兒童院情節，緊接唱出《親愛的仇人》及《別怕失去》。獻唱《結》時，由8位大隻赤膊男，穿上貼身肉色平腳褲，半祼激凸，以紅帶纏身跳舞。

太太與女兒在席上睇騷。

以紅色笠頭神秘裝束登場。

8位大隻赤膊男穿上貼身肉色平腳褲，半祼激凸以紅帶纏身跳舞。

陳柏宇眾多海外親友未能返港睇騷，但也預早拍片支持；身在加拿大公公婆婆透過視頻片段說：「孫仔，你好，我哋好掛住你哋，想同你講，我哋兩個相當唔錯，人人都話我哋好精靈。」陳媽媽則說：「有冇掛住我哋呀，返咗嚟多倫多都好開心。畀心機唱歌，以你為榮。」李拾壹則表示已和太太移民台灣，一直有創作歌曲，叫陳柏宇唱多些好歌給香港人及身在外地的香港人聽，還有海外朋友及fans們的鼓勵。

一口氣唱足14首歌後，陳柏宇才開口說話，介紹是晚嘉賓組合Nowhere Boys出場，合唱《無處游人》及《時機》，之後主音Van多謝陳柏宇給予他們首次踏上紅館舞台，他們希望組合有機會重踏紅館開騷。

海外親友拍片支持。

Jason自言由演唱會籌備至今從未如此盡力過。

陳柏宇表示由演唱會籌備至今，「成世人未試過咁盡力做一件事，以下個訊息唔單止帶畀你哋，仲畀埋我，最終奮鬥目標無論能否達成，路途上唔止你一個人，送畀你哋我嘅新歌《有我》。」

陳柏宇又感觸分享對上一次在演唱會見大家已經是2018年時，3年來經歷很多，「幾時先可以除口罩睇演唱會，幾時先可以搭飛機去探親人，呢3年教識我咩係無常，隨時會失去，要時刻珍惜，守護你所有嘢，對得起自己同你愛嘅人。多謝你哋來到聽我嘅歌，你哋令我珍惜每次上台機會，你哋每一個人令陳廣偉變成陳柏宇，沒有你我甚麼都不是。」

Janson鼓勵大家路途上不止一人，還有他。

Jason感觸謂自2018年演唱會至今3年經歷很多。

昨晚由黎明（Leon）擔任嘉賓，發揮幽默本色，更稱陳柏宇師兄，讚他顧家，「又幫我拍MV，有緣就會見到，做呢行咁耐，只要我早到運氣就會唔好，今日話9點30分出場，我8點50分就到了，現在10點20分了。」Leon又搞笑表示着同事去查問時竟然空無一人，後來得知要再等多40分鐘。陳柏宇即代大家講對不起，黎明又笑指想唱《越夜越有機》但卻變了《越夜越眼瞓》，還說：「唔緊要啦，呢行就係呃呃氹氹就成世，講老實說話係朋友，講真心話先係摯友，等個幾鐘都唔緊要啦，在後台聽到音質好，聲音又好，啲努力、加油唔使啦，Jason係一個好好歌手。」

Jason為要黎天王等候致歉。

黎明笑言要唱《越夜越眼瞓》。

黎明落力獻唱。

黎明金句：講老實說話係朋友，講真心話先係摯友。