獨家│Hugo唱得但冇唱片公司搵 《造星IV》鍾意已被Foul的Sica

丘凱雄（Hugo、Higgo Raj）在《全民造星II》憑優秀的唱功殺入十強，不過十強參賽者，包括：吳啟洋（Phoebus）、曾比特（Mike）、張天賦（MC）及歐鎮灝（George）都被唱片公司睇中，Hugo坦言冇唱片公司向他招手，所以一直行獨立歌手路線。採訪：秦詠姿 攝影：葉君海、譚壹致

Heartgrey與Will因參加《造星II》認識Hugo，有感Hugo對於音樂有很多想法。

Hugo（左四）與Heartgrey（左一）有較多音樂上的合作，認為彼此頗有默契。

獨立發展也可做好音樂

Hugo現時以獨立身份闖樂壇，他澄清其實並不抗拒簽唱片公司，但也指出：「我覺得而家個音樂圈子，或者而家做音樂嘅方式，我唔認為一定要依靠大唱片公司先做到好音樂。」問到有冇唱片公司聯絡過佢，他表示：「真係冇公司搵過我，只係有啲好細嘅經理人公司，但最後都冇合作，因為我想獨立發展一段時間先。」 

Hugo（左一）非常感謝CM老師（右二）提攜他。

Hugo現時行獨立歌手路線。

談到當日在決賽選唱原創歌《山下見》，Hugo表示節目組沒有阻止他表演這首作品。問到會否覺得在決賽表達對社會運動的立場，是令唱片公司對他卻步的原因，他認為不是：「我只不過諗可能我嘅音樂作品或者能力唔係大公司想要嘅嘢，又或者我個人性格同形象唔係佢哋要嘅嘢，令佢哋覺得難推銷。」稱不會妖魔化唱片公司的想法，但若果真的有所考慮，亦認為是理所當然。

Hugo借《山下見》表達立場，但不認為唱片公司因此而對他卻步。

MIRROR加入令參賽者失焦

不少觀眾雖然很喜歡MIRROR，但亦曾表示將他們加入《造星II》，對《造星II》的參賽者是非常不公平，不過Hugo不在意，事關他參賽並不是想成為偶像，亦自知不是會搶鏡的人。但亦大爆的確有參賽者感到失落：「有個好深刻嘅畫面，我哋去練舞有好多人跟拍，好多時拍到咁上下就有MIRROR成員入嚟，好快見到所有攝影師將個鏡頭即刻擺晒喺佢哋身上。然後其他參賽者就冇咗啲鏡頭，有啲好在意嘅人，可能對佢哋會有啲唔公平同失落，就會覺得究竟邊個先係呢個節目嘅主角，邊個先係焦點。」但對於節目偏重於MIRROR，Hugo稱參賽者們未有在節目上談及此事，因為大家已默默接受了這個現象。

MIRROR成軍後被安排加入《造星II》，被網民批不公平。

Hugo爆有參賽者因MIRROR加入《造星II》而失落。

鍾意已被Foul的Sica

Hugo身為《造星》前輩，當然有收看引起全城關注的《造星IV》，原來Hugo本身都好鐘意睇女團表演，亦自認是KPOP迷，得知《造星IV》選女團，他也興奮表示：「香港好耐冇好多人嘅女團，對上一隊應該係Super Girls？睇《造星IV》發現原來香港好多好叻嘅女仔。」又稱欣賞行日本風的Sica，可惜她已在30強止步，相信Hugo都幾失望。不過他的好友Winka則有希望殺入十強：「佢唱歌好叻！」而他亦鼓勵參賽者要享受舞台，不要想太多。

Hugo本身都好睇好Sica，但可惜她已於30強止步。

Hugo同唱得之人Winka原來係好朋友。