林夏薇積極為家中增添新成員 跟愛犬拍新歌MV雞手鴨腳

林夏薇一向是出名愛狗的人，家裡飼養「金豬」、「菠蘿」、「木耳」三隻寶貝犬，今日她在IG表示有計劃在家增添「新成員」：「最近經常有人問我，屋企會唔會增添『新成員』？其實係有計劃，不過最大考慮因素係『新成員』可唔可以跟三隻寶貝相處，所以事先要同三隻寶貝溝通好，而我近日亦帶『木耳』去學校上堂留宿、訓練，又嘗試帶『金豬』去同『新成員』相處一下，睇吓佢哋可唔可以好好共處，如果有好消息再同大家公布。」

 

三隻愛犬一同上鏡，又真係幾難控製。

之前「金豬」生病，令林夏薇一度十分擔心。

因此跟同是愛狗的音樂人合製新歌《因為有你》。

 

早前「金豬」生病，令林夏薇一度十分擔心，出席活動更崩潰痛哭，幸好最後「金豬」戰勝病魔，不過事件令她有感而發，決定聯同兩位愛犬之人兼音樂人莊冬昕、賈立怡合作歌曲《因為有你》，藉着歌曲呼籲大家愛護寵物！日前林夏薇與「金豬」、「菠蘿」、「木耳」為新歌拍MV，首度跟愛犬開工，雖然林夏薇坦言是向超高難度挑戰，但感覺非常溫馨，她還在IG透露拍MV時發生小插曲：「『菠蘿』同『木耳』因為爭寵而打交，令『木耳』心情受影響、悶悶不樂；至於『菠蘿』向來有音樂天賦，以前我彈琴佢會跟住叫，今次拍MV，一邊拍一邊播呢首歌，佢聽到也全程不停咁叫，好得意。」

 

林夏薇對着三隻寶貝，有時都雞手鴨腳。

希望大家都好似林夏薇一樣，愛錫動物。