獨家丨鄭丹瑞貪方便雙黃線偷雞上車 單拖逛銅鑼灣買飲品解喝
2021-12-10 22:00 
近年已甚少在電視節目出現的鄭丹瑞(阿旦)，在疫情期間創立網上頻道兼主持節目分享健康資訊，繼續維持多年來正面形象。不過日前阿旦一個人在銅鑼灣某商場內買飲品，離開後到附近大街上七人車時，偷雞在雙黃線禁區上車，下次唔好嘞。採訪：梁志明
阿旦上月27日剛度過67歲生日，不過他一向保養得宜，外表較實際年齡為輕。疫情期間阿旦開設了YouTube頻道，分享防疫健康資訊，之前亦曾舉辦一些慈善音樂會；籌款幫助受新冠肺炎疫情影響的人士，原本他一心待疫情過後便結束，但結果悉心經營一年多後，訂閱人數已有約37萬，所以阿旦會繼續營運落去。
佬味打扮市民認唔到
日前阿旦忙裏偷閒一個人在銅鑼灣出現，只見他穿上意大利國家隊波衫、黑色運動褲及波鞋，再孭上背囊，一身打扮「佬味」十足。當時阿旦正在某商場內的美食廣場，拿着收據企在一旁耐心地等待飲品，期間他拿出手機做「低頭族」打發時間，雖然有不少途人行來行去，不過冇人認到佢。大約等了15分鐘，阿旦終於有嘢飲但為了衛生，店員遞上飲管給阿旦自取，然後到附近上車。不過，阿旦的七人車司機竟在雙黃線禁區下，於紅燈停車時「偷雞」開門讓阿旦上車，危險又違法，希望阿旦及其司機下次咪制嘞。
最新回應