梁靖琪陀B小心翼翼 5位星級媽咪帶小朋友聖誕玩餐飽
2021-12-10 23:30 
「七姊妹」的文頌嫻、周家蔚、梁靖琪（Toby）、姚樂怡及鍾麗淇趁住聖誕前夕，帶埋自己的小朋友一齊去上水一個聖誕裝置打卡。5位星級媽咪一到場已被7米高麵包犬聖誕樹吸引，雀躍地selfie打卡，而六位星二代萌寶亦化身小模特兒各自擺post與萌爆「薩摩耶菠蘿麵包」及「貴賓狗漢堡」角色造型合照留念，可愛程度爆燈！
Toby的兩歲囝囝Roman精力最精盛，見到可愛麵包犬非常興奮跑來跑去，懷有5個月身孕的Toby，只好小心翼翼做跟得媽咪。Toby今日接受《頭條娛樂》訪問時說：「佢都唔知自己就嚟要做哥哥，但當我話佢知時，佢就會好sweet咁拿起我件衫錫我個肚，好得意，哈哈。」她透露預產期是明年4月，笑言產前好忙碌，除跟家人搞派聖誕派對外，緊接又要幫囝囝搞生日派對。
而姚樂怡就表示要集齊咁多個家庭不容易，因為小朋友要返學，只能抽時間聚會。她說：「疫情搵地方比較難，好多play house都關門大吉，今次難得搵到個地方畀小朋友一齊玩，有得放電梗係開心。」
最新回應