造星IV丨余迪偉斥欣宜釗峰唔評唱功 獲網民激讚一針見血

余迪偉做開電台DJ及電視節目主持人，出名轉數快而且說話直接。近日ViuTV《全民造星IV》播出余迪偉有份做評判的集數，雖然他在節目中所佔篇幅不多，但評語夠精準，令網民拍爛手掌。

昨晚（8日）展開30強入20強的分組比賽，首先出場的Ａ組有大熱Marf坐陣，加上CK出色的編曲，齊到爆的舞步獲評判大讚，評語都非常一致。不過到馬欣、東東及方方等人所在的B組出場表演，黃修平導演感動到喊被網民指太誇張，而欣宜及釗峰除了同樣大讚好感動，評論都偏重於讚舞台效果居多。當下已有網民在討論區批評B組唱歌有不少走音的情況，但欣宜卻避重就輕：「一開頭見到東東，啲霧散開，我好被你吸引住。三位主要表演者中，馬欣肢體動作最有美感，但最吸引我嘅係方方，因為我覺得你唱得好穩陣。」呢句評論就更加令網民跌眼鏡，事關方方其實都有不少走音的情況。

 

（右起）余迪偉、馮允謙、鄭欣宜、梁釗峰及黃修平任《造星IV》評判。

 

Ｂ組唱歌有好多失準情況，但歌手們任評判卻未有點出問題。

 

余迪偉評論時表明的確有被表演感動，但亦斥欣宜、釗峰及馮允謙未有就歌唱技巧給意見，同時稱：「好有舞台效果，如果擺落藝術表演係會好好睇，但如果要選女團……我唔介意一個女團喺演唱會有呢Part嘢，但係咪典型嗰隻女團呢？做到香港特色女團要嘅表演呢？我唔知，但問題係歌唱部份，我唔知點解前面三個歌星都冇評論歌唱技巧，東東係好勁，但對唔住，唱得實在唔夠好，聽唔到你唱乜！」又直指馬欣、東東及方方身為表演中的主角，唱功影響整體表現，連花姐喺後台都指評論好合理，網民則激讚余迪偉一針見血。

網民大讚DJ做選秀節目評判比其他藝人好好多。

 

有網民認為方方明明有走音，但欣宜仲讚佢唱得穩陣，令佢好錯愕。

 

有網民認為幾位評判講嘢唔夠直接，而且夾硬搵嘢讚。

 

網民對於余迪偉的評論表示讚賞，又認為DJ比其他藝人更適合做評判，指他們說話夠直接，「尋晚B組唱得咁難聽，三個歌手完全無提，要等余迪偉出聲」、「估唔到Joyce都唔講真嘢」、「好多個都係度搵位讚」。

 

黃修平被B組表演感動到喊，有網民話佢太誇張。

東東被余迪偉點名唱功不足。

上周播出選30強的集數有首屆導師之一卓韻芝做評判，同樣被網民讚評論中肯。