蔡一傑同陳敏之鬥講拍劇辛酸 14日無瞓靠飲雞精死撐

陳敏之近來邀請好友蔡一傑現身其頻道節目《Chi Chat》做嘉賓，蔡一傑大爆當年於TVB拍劇的辛酸，以及與師傅梅艷芳的往事。二人在片中談到拍戲時試過最長幾多日沒睡，敏之說：「我最長試過3日無瞓覺、無沖涼、無化妝，啲妝照蓋上去，身體入面好似腐爛咁，我覺得入面嘅器官好似揦埋咗一嚿。」

蔡一傑表示自己試過14日沒有瞓過，他說︰「我係5分鐘都未曾試過瞓覺，外景、廠景、外景、廠景、外景、廠景一路接落去。我嗰時同Chi Lam（張智霖）拍《沖天小子》，我係做主角，變咗每一個場口都有我。出去又講我跑山、跳落海，又要救人，又要搭吓木筏做乜嘢啊，跟住返到廠又要拍返啲文戲。」雖然有在公司沖涼，他說：「唔可以比自己坐低，因為一坐低就會瞓。」他更表示每日靠飲雞精補充體力撐住，不少網民都留言大表驚訝：「正常人14日唔瞓會死。」

提到師傅梅姐，蔡一傑表示二人相識是緣份，當年他參加「第四屆新秀歌唱大賽」，梅姐任評判，他最終沒有得到任何名次，打算回去搵工但卻找不到工作。幾個月後，梅姐的經理人公司表示梅姐要見他，蔡一傑說：「上到去佢公司，真係成個梅艷芳坐喺度，跟住梅姐話想邀請我哋做演唱會嘉賓，成件事真係好amazing，自此就展開同梅姐之後嘅日子，排舞、工作、吃飯全部一齊。」