洪永城38歲生日似幫老婆慶祝 南丫島一日遊滿足所有需要

即將榮升為爸爸的洪永城，昨日（6日）是他的38歲生日，而今年亦是他和老婆梁諾妍（Inez）最後一年二人世界過生日，當然要慶祝紀念一下。洪永城昨晚在IG貼出跟Inez慶祝的相片，兩人在家中抱着蛋糕合照，還有愛犬Molly，他留言謂：「今日好開心，雖然自己生日，但好似幫人慶祝一樣，佢話好耐冇去過南丫島、佢話好想試嗰間泰式餐廳、佢話想去戶外影吓相睇吓日落、佢話想食芝士蛋糕，點都好，最緊要佢滿足我就滿足。我問佢我份禮物呢？佢話咪俾咗你囉 （跟住指住個肚。）yes of course, love you, Happy birthday to me.」

原來洪永城做了廿四孝老公，陪Inez去了南丫島享受他的生日假期，而Inez也有在IG貼相，她亦留言笑說：「係你生日，係你陪我行南丫島，陪我食海鮮炒飯雪糕泰國餐廳同蛋糕，仲要扶住我陪我慢慢行，生日快樂辛苦你啦，你份禮物仲on the way，你等多陣就收到架啦。」而黃翠如、何雁詩、陳山聰及鄧佩儀等，也相繼留言送上祝福。