林師傑感香港冇人buy帶歐陽巧瑩移居英國 計劃開農場自食其力

TVB前藝人林師傑及港姐出身的老婆歐陽巧瑩，原來已帶同兩隻愛犬移居英國兩個多月，他昨日（5日）在網上做直播時透露有不少朋友都問他何時回港，而林師傑則表示︰「雖然身處英國，但其實我哋嘅距離係近咗，你哋可以DM（私訊）我，或透過電話聯繫。喺呢度多咗空間同時間，我唔想返嚟……喺香港唱片公司唔buy，電視台唔buy，哈哈！後來有上Viu，《CHILL CLUB》都有邀請我，不過身處香港時，我動用唔到一啲事物，做到我想做嘅嘢。」

雖然只是到英國短短兩個月，但林師傑已定下明確目標︰「希望有個農場，可以經營B&B招待你哋嚟住，我又會繼續整理舊車，畀你哋可以租我車用，享受郊外體驗。」此外，日前林師傑又在IG貼出跟媽咪等親人視像通話的截圖，他留言指媽咪原本對這些科技一竅不通，但可能知道家中90多歲的嬤嬤未必再有機會見到他，因此努力學用，結果成就解鎖，令林師傑十分感動。