水原希子草堆「飛釘」 未來戰士look影封面認唔到佢

日本名模、31歲的水原希子愈大愈冇包袱，為影靚相去到好盡，之前為Sell自家品牌嘅泳衣係咁喺IG Po泳衣相，仲要擺好多超Sexy甫士。就算唔Sell嘢，因為好鍾意出海，水原嘅IG都有大量出海Po，有時潛水有時玩水，之前就試過着穿窿連身裙出海，配埋海景，唔知以為疫情完咗。

因為夠瘦，就算水原着到好性感都唔會覺得Cheap，最新玩「飛釘」，都係嗰句，件低胸背心又係多0.1脂肪都着唔到，加埋招牌嘴唇半張表情，唔係肉彈都好Sexy。

另外，水原近日為內地雜誌影Cover，染咗一頭長金髮嘅佢變身野性未來戰士，佢唔講都認唔到係佢。