水原希子草堆「飞钉」 未来战士look影封面认唔到佢

日本名模、31岁的水原希子愈大愈冇包袱，为影靓相去到好尽，之前为Sell自家品牌嘅泳衣系咁喺IG Po泳衣相，仲要摆好多超Sexy甫士。就算唔Sell嘢，因为好锺意出海，水原嘅IG都有大量出海Po，有时潜水有时玩水，之前就试过着穿窿连身裙出海，配埋海景，唔知以为疫情完咗。

因为够瘦，就算水原着到好性感都唔会觉得Cheap，最新玩「飞钉」，都系嗰句，件低胸背心又系多0.1脂肪都着唔到，加埋招牌嘴唇半张表情，唔系肉弹都好Sexy。

另外，水原近日为内地杂志影Cover，染咗一头长金发嘅佢变身野性未来战士，佢唔讲都认唔到系佢。