胡鴻鈞自覺未夠實力攞獎 睇好何依婷奪飛躍進步女藝員

胡鴻鈞（Hubert）、何依婷、羅天宇等今日在紅磡為TVB劇集《十月初五的月光》宣傳，一眾演員玩遊戲後，胡鴻鈞獻唱劇集主題曲。劇集於《萬千星輝頒獎典禮 2021》獲27項提名，未跑先贏，眾演員落力向街坊拉票。

何依婷獲提名「最佳女主角」、「最受歡迎電視女角色」、「飛躍進步女藝員」、「最佳女配角」及「最受歡迎電視拍檔」四個獎項之多，她開心獲多項提名，視獎項為鼓勵，但不敢抱太大期望，怕無獎會失望，最想得到拍檔獎項，可以一同分享，胡鴻鈞有感依婷今年成績值得嘉許，看好她奪飛躍女演員，已投她一票。

胡鴻鈞亦憑劇集獲得多項提名，他對電視角色獲獎無信心，並說：「我有自知之明，無論資歷、實力都未夠攞獎，大家喜歡就好，我唔強求獎項，但對依婷強求，想睇佢攞獎時會講啲咩，表情係點，會唔會喊，係真喊定假喊。」胡鴻鈞有份提名「最受歡迎電視歌曲」獎，並為自己拉票，指《祝君好》是經典作品，不容有失，刻意重新編曲再推出，希望大家喜歡。