歌手．門丨衛蘭被衛詩吸毒案拖累 慨嘆娛樂圈好現實

衛蘭（Janice）和衛詩（Jill）這對孖生姊妹感情要好，Janice日前在ViuTV音樂訪談節目《歌手．門》上，邀請妹妹衛詩做嘉賓，唱歌之餘，還談及事業上的高低起跌。

Janice在18歲便加入黎明的公司，23歲推出首張大碟，事業原本一帆風順。直至2009年，Jill在日本捲入吸毒事件，除了是Jill的人生低潮，更間接拖累了姐姐Janice的事業。Janice說：「你喺日本，嗰時啲記者走嚟問我你啲嘢。」Jill表示知道姐姐好擔心，Janice坦言當時有怪責妹妹：「當然係有啦，咁多年嚟，事業行得好順利嘅，呢件事發生，一下子冇咗嘅時候。同埋發覺，原來呢一行呢，當你紅嘅時候，啲人喺會想做你朋友；當你跌得好低時，好似唔識你，我第一次經歷呢樣嘢，嘩，覺得呢一行好現實。」

最後二人靠信仰走出低潮，除了家人和公司，還有一班弟兄姊妹在背後祈禱支持。Janice續說：「呢件事冇發生，都唔會遇到最大嘅祝福，就係遇見神，而家冇怪責過佢（Jill）。」