Juicy叮｜不滿列車雙人位太窄 港女斥胖男坐過界：擺明想抽我水

東鐵綫12卡車早前逐步換成9卡列車，車廂設計備受議論。有女網民於討論區發文指，她乘坐港鐵時，鄰座剛好遇上1名身形肥胖的男子，認為對方有「抽水」之嫌，「佢條腿黐實我條腿」，直斥「明知自己肥都坐9卡車2人位！」，又批評港鐵雙人位設計欠佳。

該名女網民於「香港討論區」發文訴說，指現時東鐵綫9卡列車的雙人坐位擠迫，形容「2個女仔坐啱啱好，如果男人坐要好瘦先得」。她憶述當日乘坐地鐵時，找了一個雙人位坐下，稱「本身都只係啱啱好坐到一個位」，及後一名身形肥胖的男子進入車廂，坐在其身旁一個空位，「佢一坐落嚟就逼到我好辛苦」、「已經過界，條腿黐實我條腿」。

樓主續指，由於該名男子往後坐靠椅背，最後她只能坐半個位，並質疑對方疑有「抽水」之嫌，「擺明想抽我水」，又斥對方明知自己身型肥胖也堅持要坐雙人位，「黐實晒咁，坐得好唔舒服！」。 

帖文引起不少熱議，有網民亦認同9卡列車的雙人位太狹窄，「新車廂設計係有啲問題」、「如果繁忙時間我寧願選擇企喺度，都唔會坐呢啲位」；亦有網民建議樓主可選擇離開座位，而非在網上指責該名男士，「抽水非禮你可以唔坐可以報警，大家都係畀咁嘅錢，點解肥唔可以坐？」、「樓主自己諗多咗？既然坐得唔舒服，點解唔起身行開呢？」。

資料來源：香港討論區