Kelly Online｜大家樂純素新搞作 推人造肉煲仔飯

繼今年7月推出「招牌焗素豬扒飯」後，大家樂近期又有新搞作，就係夥拍OmniFoods推出純素「OmniPork新豬肉肉餅煲仔飯」。大家樂行政總裁（香港）梁可婷（Piony）就話，純素煲仔飯研發期大約為9個月，有關產品推出一星期後，反應理想，未來會研發更多旗下王牌產品的「素食版本」，以照顧素食顧客需要。

近年素食文化盛行，愈來愈多餐廳加入素食元素，Piony話，除了可以開拓客源之外，公司亦希望積極推動可持續發展，雖然純素煲仔飯較「一般」煲仔飯的成本高出雙位數的百分比，但公司不會將成本完全轉嫁予顧客，其定價僅高出2至3元。

Piony又話，OmniPork的味道及品質等均較有保證，所以今次促成雙方合作，未來或會再合作研究推新產品。大家樂的純素煲仔飯於全綫分店有售，但就僅屬於冬季的期間限定產品，想試嘅朋友就要趁早啦。